【三場 G1 排位公佈！焦點馬形勢不俗】

Poli

22 April 2021 at 4:25:09 am

三場G1 排位重點報導

星期日冠軍賽馬日三場一級賽排位今早完成，各場賽事焦點賽駒都抽到唔錯檔位。

第五場主席短途獎十三匹參戰馬，應屆香港短途錦標冠軍「野田重擊」今仗換上莫雷拉，排第五檔起步。短途錦標大熱倒灶嘅新星「福逸」續用巴度，排第三檔應該唔洗咁蝕，同場爆冷勝出嘅「君達星」排第四檔形勢都好。美麗系「美麗掌聲」首配潘頓排第二檔，希望攞位會順利。

第七場冠軍一哩賽，六匹本地賽駒角逐呢場一級賽。爭取十四連勝嘅「金鎗六十」排第五檔，跑法都係彎位發力及早上前。衛冕嘅「川河尊駒」排第四檔又會同佢點互動？主席錦標一放到底嘅「高大威猛」抽到個一檔返嚟，今次仲走唔走得甩？

第八場女皇盃，四匹日本馬對陣三匹本地馬。剛好日本賽駒抽到單數檔位，香港賽駒抽到雙數檔位。三歲三冠馬后「謀勇兼備」抽到第一檔，衛冕嘅「時時精綵」喺佢隔離嘅二檔。一對可能會放頭嘅馬「神業」同「馬克羅斯」排三四檔。「唯獨愛你」同「龍鼓飛揚」排五六檔相信都會稍留。反而最外檔嘅「耀滿瓶」有啲尷尬，田泰安又會點發揮呢？

星期日密切留意三場一級賽啦。