【七月盃】高多芬兩一級賽冠軍迎擊日澳代表

Homan

8 July 2022, 9:51:17 am

英國新市場馬場將於今個星期六會上演一級賽七月盃,多匹於皇家雅士谷賽期表現出色嘅賽駒會喺新市場七月賽道再次碰頭。

白金禧錦標嘅頭三名「海金冠」(Naval Crown)、「創作力量」(Creative Force)及澳洲代表「雅騰雲」(Artorius)都會出戰。三駒以原庄配搭出戰,「創作力量」上仗終點前力拼「海金冠」下僅敗,今次結果又會點呢?「雅騰雲」上仗好遲先追上黎,幕後就話今場跑得好嘅話,有意跑埋法國紀爾斯大賽先番去澳洲。

而三歲馬方面,英聯邦盃冠、亞軍「完備力量」(Perfect Power)及「赤焰駒」(Flaming Rib)都會出戰,前駒繼續由蘇銘倫策駒,睇下可唔可以乘上星期日蝕大賽嘅勢頭再下一城。而利物浦/皇馬/曼聯名宿奧雲有份嘅「赤焰駒」,佢就認為呢匹英聯邦盃亞軍有機會贏出七月盃,睇下係咪喇!

最後,日本代表「飛迅神王」(King Hermes,キングエルメス)將會挑自2000年以來,第一匹勝出七月盃的日本代表。賽前練馬師矢作芳人就話「飛迅神王」適應得幾唔錯,希望有好表現。

Source: Racing Post
Photo: Racing and Sports