Homan

2 December 2021 at 10:14:21 am

香港國際賽日適逢每年年尾，之前不少賽駒跑完呢場都會退役，今年亦唔例外。

日本兩匹賽駒「野田重擊」（Danon Smash，ダノンスマッシュ）及「冠軍車手」（Indy Champ，インディチャンプ）將分別來港出戰港短途錦標及香港一哩錦標。日本傳報導兩駒將會跑完下個月國際賽後就會退役，並會轉任種馬。

「野田重擊」預計會交由川田將雅執韁，雖然今年「野田重擊」於川田胯下贏得高松宮紀念賽，但之來港於莫雷拉胯下出爭主席短途獎及由川田策騎下出戰短途馬錦標都無功而還。今次續交川田操刀，能否造就「有終之美」衛冕成功，難度相當高。

「冠軍車手」今年表現比上兩年有所滑落，近仗只能於一哩冠軍賽跑入殿軍。佢將會配上福永祐一，事隔兩年再次遠征香港。上次來港肩2019年香港一哩錦標，直路上塞車致最終只能以第七名衝過終點。今年表現不如當時，而且要對「金鎗六十」，要造就「有終之美」幾乎不可能。

但願兩駒順利完成賽事，下年係牧場開枝散葉。現時暫未知兩駒會喺邊度做種馬。

Source: スポニチアネックス
Photo: HKJC（圖為「冠軍車手」）