【一骨兩折】「活蹦雀躍」右前腳種子骨再骨折 幕後宣布退役

Homan

19 May 2022 at 2:37:10 pm

2021利雅德短途賽冠軍「活蹦雀躍」（Copano Kicking，コパノキッキング）早前喺杜拜骨折，並於當地休養及做手術。

馬主小林祥晃今日喺佢社交媒體表示「活蹦雀躍」會引退。「活蹦雀躍」今年喺沙特衛冕利雅德短途賽失敗後，轉到杜拜備戰金莎軒錦標。可惜賽前，「活蹦雀躍」被發現種子骨骨折，需於當地治療。經過一段時間治療後，早前決定回國，可惜回國發現骨折處再次骨折，並需要再次做手術。連同休養及復康，至少需要一年以上。因此馬主決定將「活蹦雀躍」退役，並等候康復再頤養天年。

「活蹦雀躍」為七歲閹馬，服役25戰10勝，當中四勝泥地短途級際賽（包括一場日本二級賽），女騎師藤田菜七子曾主理「活蹦雀躍」，並於2019年日本一級賽日本泥地育馬者盃泥地大賽跑入亞軍，為其最接近一級賽冠軍嘅一次。

希望「活蹦雀躍」盡快康復，享受退休生活。

Source: スポニチアネックス
Photo: NAR