早前於瑞士入院嘅傳奇騎師柏葛（Lester Piggott），今日與世長辭，享年86年。
柏葛於馬鞍上馳騁多年，成就斐然，早前亦被選入英國冠軍賽馬系列名人堂。佢曾九勝葉森打吡大賽，包括英國三冠馬王「尼真斯基」（Nijinsky）。策騎生涯贏出4,493場頭馬。除左多次贏出大賽外，佢亦於1960至1982年間贏得11次冠軍騎師。佢曾因暪稅入獄，不過出獄後再次重拾馬背，更於1990年以54歲之齡策Royal Academy攻下育馬者盃一哩大賽。
柏葛亦曾於香港策騎，當時已屆五十多歲，但功架依然。佢於1994年憑「金銀城」幫愛倫贏得打吡預賽。當時四駒纏鬥，「金銀城」從中突圍而出，終點前取得頭馬。
祝願佢一路好走，喺另一個世界生活愉快。
Source: Racing Post
Photo: Racing Post
