【一早卜定】柏兆雷策「歡暢今宵」攻凱旋門大賽

Homan

4 August 2021 at 6:46:23 am

「歡暢今宵」（Wonderful Tonight）上星期於光榮古活賽期攻下莉莉雌馬錦標，練馬師文令山表示今年仍未出戰一級賽既佢將會以凱旋門大賽為目標。

「歡暢今宵」自三歲七月起由彭國年主理，彭國年來港後則轉交布宜學主理後三戰全勝，並曾於上年十月既英國冠軍雌馬錦標贏出一級賽。由於布宜學需於凱旋門大賽策高多芬賽騎上陣，分身乏術下，幕後決定及早決定人選。法國騎師柏兆雷將策「歡暢今宵」出戰該項一級賽。柏兆雷上一次贏凱旋門大賽已經數到2012年既「蘇林美亞」（Solemia），當時終點力壓撞欄既「黃金巨匠」（オルフェーヴル，Orfevre）。

練馬師文令山就表示「歡暢今宵」應該會跑至少一場先出戰凱旋門大賽，現時選擇甚多，如今個月既尚羅萬尼錦標、Prix de Pomone或下個月既紅寶錦標或福伊錦標。甚至連愛爾蘭賽事都會係佢考慮之列。文令山就話希望柏兆雷可以於呢啲熱身賽摸熟隻馬，再向凱旋門大賽進軍會較佳。

睇下法國出世既練馬師文令山可唔可以於呢項傳統法國大賽揚威喇！

Source: Racing Post
Photo: Racing Post