【一家團聚】薄奇能轉以維省為策騎基地

Homan

18 October 2021, 9:35:16 am

上星期幾位新南威爾斯騎師表示將會到維省策騎春季嘉年華各項大賽,而騎師薄奇能為其中一位。不過薄奇能於大賽期後唔會返新南威爾斯,而選擇趁機轉移策騎基地,長駐維省。

薄奇能策騎生涯早年曾以維省為策騎基地,及後於2016年轉到新加坡尋找機會且發展不錯。佢於2019年選擇到澳洲,但當時並無回到維省,反而於新南威爾斯重啓其澳洲策騎生涯。結果佢因可以造輕磅而獲得不少實力座騎,而且佢自己可以把握到。佢回到澳洲後曾策「科靈港」(Kolding)贏得葉森讓賽、Yes Yes Yes贏得The Everest及「露營友」(Bivouac)贏得新市場讓賽等大賽。

薄奇能表示今次轉移基地基於家庭因素。由於一對子女長駐維省,而薄奇能與其妻Sloane近年因薄奇能於不同地方策騎,未能陪伴一對子女。因此,薄奇能與其妻決定既然可以返到維省就唔再離開,並與子女團聚。薄奇能就話希望可以與之後嘅時間可以用多啲時間陪伴佢地。

薄奇能指出今次轉移基地並不容易,要重申與當地練馬師建立關係並不容易。佢話自己已經準備好接受新挑戰,並認為2019回歸澳洲重新出發嘅經驗,將會為佢今次轉移基地帶來幫助。睇下呢位廿四孝老豆番到維省後嘅表現可唔可以繼續維持喇!

Source: Racing.com
Photo: Racenet