【一口馬主團體New World Racing改名】

Homan

係2017年開始活動既一口馬主團體New World Racing將會係2月12號起改名做Kyoto Horse Racing。而招募會員既愛馬會法人團體就改名做株式会社京都Thoroughbred Club。馬主山上和良會加入管理層,協助Michael Tabart管理愛馬會法人。

之所以有咁既轉變,係因為佢地覺得原本既方針搵唔到突破。New World Racing成立初期以口數少及零會費做招徠,希望打開日本一口馬既新缺口。因為口數少,參加者可以享有馬主既一啲待遇。雖然聽落都幾吸引,但或者因為口數少、投資費用高且成績唔太突出,所以唔係好多人加入。

結果,佢地一直做唔起,佢地決定轉一轉方針。佢地黎緊既一口馬將會增加到2000口,一口所需費用只係約7000日圓(約490港元)。而呢個係亦都係DMM一口馬主團體相類似。似乎Kyoto Horse Racing都想參考DMM既做法去搞起自己個一口馬主團體。事實上,而家2000口既一口馬,招股情況尚算理想,比起40口果啲還好。