【「黑船」正式引退 於社台渡過餘生】

Homan

14 July 2020, 1:32:41 pm

2001年NHK一哩盃及日本泥地盃(冠軍盃前身)冠軍「黑船」(Kurofune,クロフネ)種馬引退,佢會於社台Stallion Station 以功勞馬身份渡過餘身。

上年因為健康問題而未有配種,因此今年既週歲馬已經係佢最後一批子嗣。吉田勝己就話「黑船」既健康有好轉,不過安全計都係退役會較好。

「黑船」呢個名取得幕末時期美國將軍培里叩關事件,所以之前都有人將佢譯做「大洋船」。但由日本人將呢件事以漢字表達成「黑船來航」(Kurofune raikō),故將Kurofune譯做「黑船」較為合理。而馬主金子真人從外地購入「黑船」,希望呢匹馬好似「黑船來航」為日本賽馬帶來衝擊。

而佢暫時最為人所熟悉既子嗣一定要數兩匹雌馬「真機伶」(Curren Chan,カレンチャン)及「太空殞石」(Aerolithe,アエロリット」,睇下餘下既子嗣會唔會再有一級賽冠軍喇!

Source: サンケイスポーツ