【「銀馳」未有斜跑 三班輕勝 或進軍打吡】

Homan

「銀馳」前一場於直路上斜跑,由贏變輸。琴日練馬師蔡約翰為「銀馳」加眼罩及改配莫雷拉。

賽事早段著意貼欄搶放下,末段並未大力催策下贏馬。賽後練馬師蔡約翰相當滿意賽駒表現,認為配備帶黎正面作用,而且末段未有斜路,贏得相當輕鬆。賽後「銀馳」被加10分至89,現時「銀馳」仍於香港打吡的名單之中,於有報名打吡賽駒中排名第11,只要肯出戰的話,相信入選機會頗高。

由於「銀馳」上場只贏1400米,而外地亦只有1400贏馬賽績,會有質疑長力未必可以應付。由於毛色似下線,而媽媽Rechichi於外地2000米至2200米都有上名及頭馬紀錄,雖然只係處女馬賽,但至少「銀馳」亦有長力根據。另外,蔡約翰曾有「平海福星」1400增程至2000米既贏打吡例子,因此一旦出戰不應過份看淡。

不過蔡約翰現階段就話唔會咁急落決定,尤其「銀馳」跑完番黎狀態點。騎師人選亦因莫雷拉決定騎「達心星」而未有定案。相信要搵到信任既騎師未必咁容易。

Source: SCMP; HKJC