【「金鎗六十」放眼女皇盃 或進軍遮打盃挑戰香港三冠】

Homan

22 February 2021, 4:39:49 am

琴日「金鎗六十」終點前力壓「添滿意」攻下香港金盃,贏出香港三冠系列次關。

賽後練馬師呂健威接受訪問時透露於賽事期間,佢個心跳得相當快,尤其轉入直路初段佢以為可以輕鬆獲勝,但結果末段與「添滿意」纏鬥下僅勝,過程相當唔容易。

騎師何澤堯就表示,末段相當接近,但終點前佢有信心「金鎗六十」會率先接線,但過程並不容易亦未曾預計會出現呢個情況。何澤堯補充當「金鎗六十」越過「時時精綵」有少少內閃,令佢難以催策座騎。

對於之後既賽事計劃,呂健威暫時仍有計劃出爭五月既遮打盃,不過之後既第一個目標係4月尾既冠軍賽馬日中2000米女皇盃。相信佢地會於女皇盃後先決定會唔會出戰三冠尾關。

香港賽馬史上僅得「翠河」一季內攻陷三關賽事,而且當時尾關遮打盃賽事為2200米賽事。意味著自遮打盃轉做2400米之後就未有賽駒單季內連續攻下三關賽事。如「金鎗六十」能攻下遮打盃,除左成為首匹自遮打盃轉做2400米後香港三冠馬王外,再加埋佢四歲三冠既頭銜,將會係第一匹六冠王。「金鎗六十」既「六」係指六冠王,都咪話唔威威。

Source: SCMP