【「致勝一擊」再長成 四歲向大賽進軍】

Homan

愛德華七世錦標冠軍及英國聖烈治錦標季軍「致勝一擊」(Pyledriver)今年會繼續服役。

「致勝一擊」於拍賣會曾無人問津,最後交由練馬師莫爾(William Muir)訓練,並贏得兩項級際賽冠軍。莫爾既好友傳奇練馬師施素爾爵士助理Willie Jardine就看淡「致勝一擊」今年既成績。佢認為於英國聖烈治錦標有好表現既賽駒,於第二季都唔可以保持。因此佢曾勸莫爾將「致勝一擊」退役。

不過莫爾就未有跟從,佢見「致勝一擊」體型上有所成長,認為「致勝一擊」繼續適合服役。於聖誕節休養期間,「致勝一擊」體重達522kg,比起10月時重52kg。莫爾相信佢會於出賽時減番去470kg左右。

對於今年既計劃,莫爾就預計「致勝一擊」會先於五月賽馬會錦標復出,之後會進軍加冕盃、夏域錦標及英皇錦標。且看「致勝一擊」可唔可以更進一步,令莫爾可以剝到Willie Jardine棚牙喇!

Source: Racing Post