Homan

18 May 2020 at 2:01:03 pm

日本馬后「杏目」（Almond Eye，アーモンドアイ）琴日係維多利亞一哩賽輕鬆獲勝，為佢帶黎第七場一級賽勝利，同時亦成為勝出最多一級賽既賽駒之一。要站上頂點，只要再於一級賽勝出即可。

其馬主團體絲綢會表示並未決定佢下一個目標。不過其主理騎師李慕華向傳媒透露希望可以策騎「杏目」出戰三星期後既安田紀念賽，以報上年落敗之仇。同時亦都希望可以乘著贏馬氣勢，一舉打破日本馬一級賽頭馬紀錄。

上年李慕華於秋季天皇賞賽後向幕後建議出戰香港盃，並指出「杏目」最佳路程為二千米。結果，「杏目」一度以香港盃作為目標，但出發前因發燒而未能成行。且看今次李慕華能否說服幕後。畢竟絲綢會另一匹一口馬，上屆安田紀念賽冠軍「冠軍車手」（Indy Champ，インディチャンプ）都會出戰安田紀念賽，要令幕後同時部署兩匹機會馬出戰安田紀念賽，似乎有啲難度。

另外，李慕華就好多謝佢因為疫情未能於美浦為「杏目」操練時，提供協助既三浦皇成。佢表示三浦為「杏目」做左兩次最後試跑，成功提升「杏目」既狀態應付今場賽事。兩人賽後亦有握手慶祝。

Source: race.sanspo.com