【「日光輝映」退役配種】

Homan

25 May 2020 at 5:14:38 am

多項短途一級賽冠軍「日光輝映」（Sunlight）上星期宣布退役。

呢匹四歲雌馬近仗出戰短途賽都未能貫注到尾，大敗而回。即使出戰水準較次既南澳賽事，表現都令人失望。

「日光輝映」兩歲開始服役，於金拖鞋大賽跑入季軍。轉三歲後攻下一級賽古摩亞育馬場錦標、新市場讓賽及威廉烈特錦標。踏入四歲後開始走下跛，雖然仍然可以係級際賽贏馬，但近仗表現令人失望。佢退役後將轉任配種母馬，期待佢既子嗣於賽場發光發亮。

隨著「日光輝映」退役，連同早前退役既「紅達時」（Redzel）、「芳華正茂」（In Her Time）、The Everest 冠軍 Yes Yes Yes 及一級賽冠軍「比樂達」（Pierata），相信澳洲短途馬將會進入一輪交接期。而呢個情況吸引或會吸引一堆年輕馬留係當地。本來三歲馬Masked Crusader收到香港達三百萬澳元（約一千五百萬港元）既報價，但幕後決定拒將Masked Crusader賣到香港，似乎見到近期澳洲短途馬退役潮而相信留係澳洲服役會更加著數，並相信Masked Crusader可以稱霸澳洲短途。

Source: Racenet