【「弦樂器」拍柏兆雷征凱旋門大賽】

Homan

艾兆禮因為需履行十月九及十號既主帥聘約,而被逼放棄策「弦樂器」(Stradivarius)出戰凱旋門大賽。消息指,「弦樂器」將改由法國騎師柏兆雷策騎,出爭凱旋門大賽。

柏兆雷接受訪問時指,佢非常開心可以策騎「弦樂器」出戰,並認為「弦樂器」係一匹非常犀利既馬。佢認為高仕登會將「弦樂器」放出戰凱旋門大賽時調教至最高狀態。高仕登就表示,柏兆雷係當今騎師中對隆尚馬場最熟悉既騎師,認為呢個係相當合適既選擇。

柏兆雷從騎至今近三十年,曾四奪凱旋門大賽,包括於1996-1998年憑「喜利是路」(Helissio)、「名畫家」(Peintre Celebre)及「世家集」(Sagamix)連續三年攻下凱旋門大賽。佢亦於2012年策「蘇林美亞」(Solemia)打破日本代表凱旋門大賽既美夢。唔知今次臨陣執到好馬,呢位法國名將會有咩表現呢?

Source: Racing Post