【「川河達駒」流鼻血在港退役 「旺蝦王」避戰主席短途獎】

Homan

The Everest 冠軍「川河達駒」琴日於晨操後流鼻血。

練馬師方嘉柏表示「川河達駒」將會在港退役,並運番澳洲交由原練馬師布烈治訓練。「川河達駒」於近月晨課表現出色,但可惜健康又突然出問題。「川河達駒」以The Everest冠軍之名,深受各大媒體關注,來港初已相當矚目。可惜上年尾既國際賽大敗後被驗出不良於行。休養一輪後,近月試閘及晨操都有不俗表現,正當可以於香港展現真正實力時,卻健康又出現問題。「川河達駒」將會運番澳洲,並會以衛冕The Everest 為下一個目標。而澳洲媒體7 Racing 就以Classique Legend to return home to Australia 為題歡迎「川河達駒」回家。

而全港最高分灰馬「旺蝦王」於下星期既短途錦標缺陣,「旺蝦王」於3月24號已經停操。練馬師蔡約翰証實「旺蝦王」今季內唔會再上陣,佢會讓呢匹灰馬稍事休息。若賽駒下季仍渴望出賽,佢地會安排佢上陣,否則「旺蝦王」將會退役。

Source: SCMP; Racenet
Photo Credit: HKJC