Homan

23 August 2022 at 1:59:37 pm

高仕登及高素德訓練「萬勝飛」（Mishriff）剛仗喺朱德望國際錦標敗於「勝千里」（Baaeed）蹄下，幕後賽後「萬勝飛」已經預備好做種馬，馬主同練馬師商討年內嘅賽事選項。

馬主Prince Faisal嘅賽馬經理Ted Voute就表示佢地滿意「萬勝飛」喺朱德望國際錦標嘅表現，但「勝千里」係一匹相當好嘅賽駒，佢地唔願意同「勝千里」再對戰。

就著「萬勝飛」嘅下一個目標，佢地仍然未決定。現時有三個選項，分別係愛爾蘭冠軍錦標、美國育馬者盃或英國冠軍錦標。高仕登推薦愛爾蘭冠軍錦標，但佢地要「勝千里」避戰先會考慮出戰。如「勝千里」出戰，佢地就會轉戰其他賽事。

而美國育馬者盃嘅草地大賽或經典賽都係佢地考慮之列。佢地認為今年喺堅蘭舉辦嘅育馬者盃會適合「萬勝飛」發揮。最後就係英國冠軍錦標，「萬勝飛」未曾贏得雅士谷馬場舉行嘅賽事。

Ted Voute就話佢會睇下愛爾蘭冠軍錦標及育馬者盃嘅陣容，傾向以呢兩場為目標，再據狀態決定是否出曬兩場。不過，最終決定權會係馬主同練馬師商量後拍板。

Source: At the Races