【「亞利桑那」迎戰「呂宋火山」 岳伯仁團隊租屋暫住】

Homan

29 May 2020 at 8:37:07 am

下月初新市場將舉行英國二千堅尼大賽。除左高多芬焦點馬「呂宋火山」（Pinatubo）外，另一焦點係往年都有派馬出戰既古摩亞團隊。

據知佢地將會派出高雲地利錦標冠軍「亞利桑那」（Arizona）出戰。岳伯仁表示雖然「亞利桑那」既準備功夫因疫情一度受影響，但佢認為現時呢匹三歲馬狀態相當唔錯。

由於現時從外地番愛爾蘭，所有人士需隔離14日。岳伯仁就話自己唔會去英國觀賽，而「亞利桑那」及其他岳伯仁旗下賽駒若前往英國出賽，將由馬房其他員工隨行照顧。佢會於新市場租一架房比佢既團隊係當地暫住，以便照顧佢地係英國出賽既賽駒。

而與岳伯仁合作無間既莫雅，將會留英應付各項大賽，並相信會缺席愛爾蘭既堅尼賽事，除非愛爾蘭隔離政策有所變更。

Source: Racing Post